Жаңалықтар
ҚҰРМЕТТІ ПАЦИЕНТТЕР!
Медициналық қызмет көрсету сапасына, медициналық этика мен деонтологияның бұзылуына қатысты шағымды (өтініштерді) e-Otinish бірыңғай платформасы арқылы беруге құқығыңыз бар екенін хабарлаймыз.
Сілтеме: https://egov.kz/cms/ru/services/e-otinish
Өтінім беру туралы сұрақтар бойынша мына нөмірге хабарласыңыз: Қарағанды облысы денсаулық сақтау басқармасы «Осакаров ауданының аудандық орталық ауруханасы» Коммуналдық мемлекеттік кәсіпорын жауапты қызметкері Кожанова Б.А. тел. 872149 41378
ӘЛЕУМЕТТІК ӘДІЛЕТТІЛІК: МӘМСҚ МӘМС АУДАРЫМДАРЫНЫҢ ЖОҒАРҒЫ ШЕГІНІҢ ӨЗГЕРУІНЕ ТҮСІНІКТЕМЕ БЕРДІ
Мұның кімдерге қатысы бар?
Қазақстанда МӘМС-ке жарна алынатын табыстың шекті мөлшері өзгермек. Жоба «Ашық нормативтік-құқықтық актілер» порталына орналастырылып, көпшілік талқысына ұсынылды. Медициналық сақтандыру қорының Алматы қалалық филиалы мамандары енгізілгелі жатқан өзгеріс жайында түсініктеме берді.
Қазіргі таңда жұмыскерлердің жалақысынан 2% жарна ұсталады. Бірақ жарна төленетін табыстың шекті мөлшері бар. Жарна алынатын шекті мөлшер 10 ең төменгі жалақыны (ЕТЖ) немесе 850 мың теңгені құрайды. Яғни, жалдамалы жұмыскерлерден ұсталатын жарна мөлшері 17 мың теңгеден аспауы тиіс.
Не өзгермек?
Денсаулық сақтау министрлігі 2025 жылдан бастап жарна төленетін табыстың шекті мөлшерін 10 төменгі жалақыдан 50 ЕТЖ-ға дейін өсіруді ұсынған болатын. Мысалы, Қазақстандағы зейнетақы жүйесі де осы принцип бойынша жұмыс істейді.
Бұл өзгеріс кімдерге әсер етуі мүмкін?
Жалпы, бұл норма жалақысы 850 мыңнан асатын салаларға қатысты. Статистикаға сүйенсек, Қазақстанда жалдамалы жұмыскерлердің 9% ғана жоғарғы жалақы алады. Яғни, жалданып жұмыс істейтіндердің қалған 91%-ы үшін көп өзгеріс бола қоймайды.
Не үшін табыстың шекті мөлшерін өзгерту қажет?
Қазіргі таңда қазақстандық МӘМС жүйесінде табыс қанша төмен болса төленетін жарнаның проценті де жоғары болып отыр. Ал, әділеттілік тұрғысынан алып қарайтын болсақ, табысы төмен адамдар жарнаны жоғары табыс табатындардан аз төлеуі тиіс.
Осы жазбаның инфографикасынан одан да көп жауаптар таба аласыз. Карусельді айналдырыңыз.