Қарағанды облысында 18 мыңға жуық тұрғын бірыңғай жиынтық төлем (БЖТ) төлейді. БЖТ төлеу мүмкіндігі 2019 жылғы 1 қаңтардан бастап 2024 жылғы 1 қаңтарға дейін өзін-өзі жұмыспен қамтыған азаматтарға берілді. БЖТ республикалық және облыстық маңызы бар қалалар үшін 2023 жылы 1 АЕК немесе 3450 теңгені құрайды, қалған елді мекендердің тұрғындары 0,5 АЕК немесе 1 725 теңге төлейді. БЖТ құрамында 40% міндетті әлеуметтік медициналық сақтандыруға бағытталған және өзін-өзі жұмыспен қамтыған азаматтар үшін МӘМС жүйесіне қатысудың бұл тәсілі ыңғайлы болды.
Енді 2024 жылғы 1 қаңтардан бастап БЖТ жойылады және өзін-өзі жұмыспен қамтыған азаматтар төлемге – "МӘМС жарналарына" ауысады, бұл 1МЖП-ның 5% - құрайды.
Естеріңізге сала кетейін, 2024 жылдың басынан бастап дербес төлеушілердің, ЖК, ШҚ және жеке практикамен айналысатын адамдардың (адвокаттар, нотариустар, жеке сот орындаушылары, жеке медиаторлар) жарналарының сомасы ұлғаяды. Бұл МӘМС үшін жарналар мөлшерлемелері байланыстырылған ЕТЖ-ның ұлғаюына ғана байланысты. 2024 жылы дербес төлеушілер бір айда 4250 теңге, ЖК – 5950 теңге сомасын төлейтін болады, жұмыс берушілер сондай-ақ жалақы қорынан қызметкер үшін жалақының 3% - төлейді және қызметкердің жалақысынан 2% - ұстайды.
МӘМС және мәртебені анықтауға қатысты барлық сұрақтарға жауаптарды әлеуметтік медициналық сақтандыру қорының ресми сайтынан fms.kz, qoldau24 / 7 мобильді қосымшасы арқылы, saqtandyrybot жеделхаты арқылы ала аласыз. Қазір мәртебені анықтау функциясы KaspiBank, Halyk және CCB банктерінің мобильді қосымшаларында енгізілген. Бірыңғай байланыс орталығы 1414.